Psa 124 | JAE | STEP | Israel galoc sêsôm acgom gebe “Apômtau embe êmoa êwiŋ aêac atom, oc amboac ondoc.

Psalms 124

PESALEM 124

Anôtô gêjam Israel sa, tec sêlambiŋ eŋ

1 Israel galoc sêsôm acgom gebe
“Apômtau embe êmoa êwiŋ aêac atom, oc amboac ondoc.
2 Gêdêŋ taŋ ŋamalac dêdi sebe sênac aêac naŋ,
Apômtau embe êmoa êwiŋ aêac atom,
3 oc têndaŋgôŋ aêac su tomateŋ jaligeŋ
ma senseŋ aêac su êtu nêŋ têntac ŋandaŋ secanôŋa.
4 Bu ŋasamac oc epeŋ aêac lênsôŋ
ma êc aêac su
5 e ŋasamac ŋakotoŋ-kotoŋ
ênsaŋ aêac auc.”

6 Aêac aweŋ êôc Apômtau gebe gêsuŋ aêac dadêŋ ŋacjo luŋluŋ
jakêkaku aêac popoc atom.
7 Aêac katuŋ gêwê sa kêtôm moc gêwê dibwaganê lakô sa.
Lakô tau gêŋgic ma aêac tec tajam samuc.
8 Apômtau taŋ kêkêŋ undambê to nom naŋ,
nê ŋaê oc ênam aêac sa.
^{▼▼Dawidnê teŋ.}